Tututukan ng Land Transportation Office ang panghuhuli sa mga colorum na sasakyan na bumibiyahe sa Zambales, Olongapo at mga karatig probinsya.
Ito ay makaraang umalma ang ilan sa mga transport group na nawawalan o lumiliit ang kita dahil sa dumaraming sasakyan na ginagamit sa pangu-ngolorum at carpooling.
Matatandaan, sinabi ni Alex Briones, operations manager ng isa sa mga bus company sa bansa na dapat tutukan ng pamahalaan ang panghuhuli sa mga colorum na malayang nakakabiyahe kahit naka-ecq ang Metro Manila at ibang probinsya.
Ayon kay LTO Region 3 Dir.Ed De Guzman, nakahanda na ang team na binuo ng opisina para umpisahan ang kampanya kontra carpooling at colorum sa Central Luzon pero sinadyang hindi idetalye ang paraan ng panghuhuli.//Christian Andres-BNFM OLONGAPO
