GIPASALIG ni Kagawad Vivencio Dinopol nga ipadayun ang maayong pagdumala sa Komiteba sa Finance nga kanhi gidumalahan ni Kagawad Franklin Gacal Jr.
Segun kang Dinopol, gidawat niya ang maong komiteba tungod
gisangon kaniya sa mga kaubanan sa konseho ug mandato usab nga alagaran ang katawhan.
Aminado usab nga bisan dili siya accounting major, apan anaa lang usab sa maayong pagtutok sa komiteba nga maoy iyang buhaton aron matupngan man lang ang gihimo ni Gacal.
Sa mga budget alang sa proyekto sa syudad, dili usab daw siya ang magdesisyon apan ibase sa mga rekomendasyon sa mga buhatan sa gobyerno ug mga hingtungdang opisyal.
Malaumon usab kini nga mahimo niini ang iyang trabaho isip tigpanalipod sa kwarta sa katawhan.
Nasayran nga nahimong kontrobersyal ang paghulip kang Gacal sa Committee on Finance, apan giklaro ni Dinopol nga kabahin sa internal rules ang gihimo sa Sangguniang Panlungsod gawas sa resolusyon nga giduso sa pagdeklara nga bakante ang maong komiteba.
