Patay kat makit-an ru sangka myembro it 12th Infantry Battalion 3rd Infantry Division it Philippine Army sa Brgy. Lahug, Tapaz, Capiz kahapon, Agosto 11.
Sa imbistigasyon it Tapaz Police Station, nakilaea ru biktima nga si Corporal Frederick Villasis it Jaena Norte, Jamindan, Capiz.
Nakabaton sigun it report ru nasambit nga PNP Station nga may gin abduct ru biktima it may kapin sa 40 ka armado nga mga kaeaeakin-an.
Halin sa detatchment ang biktima ag paadto eon konta sa town proper kat matabo ru insidente.
Gin sunog pa sigun it mga armadong NPA ru gina sakyang motorsiklo it biktima may 30 kilometros ru kaeayu-on halin sa nasambit nga PNP Station.//MARIVIC Y. ILIN
