Isasapubliko ng Commission on Elections (COMELEC) ang Certificate of Candidacy (COC) at Certificate of Nomination and Acceptance (CONA) ng 44,000 mga kakandidato sa darating na eleksyon.
Ito ang unang beses na irerelease ng komisyon ang mga COCs sa kanilang website para masuri itong maigi ng publiko.
Layunin umano nito na matulungan sila ng publiko na alamin kung ano ang posibleng maging grounds for disqualification ng isang kandidato dahil hindi naman umano kilala ng komisyon ang bawat kandidato.
Sa huli, inaaasahan ng komisyon ang pakikiisa ng publiko sa pagssusuri ng mga kakandidato para sa darating na eleksyon.
