Itinuloy na ng dalawang mambabatas ang paghahain ng ethics complaint laban kay Agri party-list Representative Wilbert Lee kaugnay sa umano’y naging ‘impromper conduct’ nito sa gitna ng deliberasyon noong September 25 sa mungkahing P6.325-trillion budget para sa susunod na taon.
Ang naghain nito ay sina Barangay Health Workers party-list Representative Nica Co at Marikina Representative Stella Quimbo.
Kwento ni Quimbo, in-approach at itinuro siya ni Lee, at nagbantang magwawala siya kapag hindi ito pinagsalita.
Ani Quimbo, magkakampi sila pagdating sa kanilang sense of duty, pero hindi kailanman magiging excuse ang pagiging bayolente.
Ang naging pag-approach aniya ni Lee ay nagdulot sa kanila ng takot, dahilan para mapaluha na rin ang mga ito.
