ANGOL ang duha ka driver human nga aksidente nga nagbangga sa Lagao- Buayan Road Oktubre sais sa kaadlawon.
Sa impormasyon gikan sa buhatan sa Traffic Enforcement Unit, ang nalambigit sa aksidente ang usa ka motoriklo nga with sidecar, gimanihoan sa nagpangalang Ninio, 46-anyos nga taga Zone 4, Buayan Townsite.
Samtang ang ikaduha nga sakyanan usa ka motorsiklo nga gimanihoan sa nagpangalang Richard, 53-anyos nga taga Tuyan, Malapatan, Sarangani Province.
Nigawas sa imbestigasyon nga susama nga nagadagan ang duha ka sakyanan sa Lagao-Buayan Road padulong sa Buayan apan nabanggaan sa motorsiklo ang nag-una nga tricycle.
Ang resulta nasamdan ang driver sa tricycle samtang may fracture sa wala nga tiil ang driver sa motorsiklo ug nadala sa tambalanan. I Ever Diazon
