Arnel Callet
CAUAYAN, Negros Occidental — May libre check-up sa mata kag dulunggan para sa mga pumuluyo sang banwa sang Cauayan ang ginapatigayon sumugod subong nga adlaw, Oktubre 7 tubtob 9.
Ang vision kag hearing outreach program ang ginpangunahan sang EYE-hEAR foundation, Rotary Club of Canterbury, Association of Negros Producers, kag Municipal Govenment of Cauayan.
Magluwas sa vision and hearing testing, may mga Australian doctors man nga yara sa banwa para sa cataract surgery (P3,500), pterygium excision (P1,500), reading kag protective glasses (P50), kag libre nga haircut sang 15th Infantry Battalion.
Ang mga benipisyaryo sang outreach program ang gikan sa nabukid nga mga barangay sang banwa nga may mga problema sa ila mga mata kag dulunggan. -BNFM Kabankalan
