Hinamon ni National Bureau of Investigation Director Jaime Santiago ang mga abogado nina Shiela Guo at Cassandra Li Ong na sampahan sila ng arbitrary detention case.
Ito ay kung may nalabag ang NBI sa mahigit tatlong araw na pananatili nina Guo at Ong sa detention facility mula nang makabalik ang mga ito sa Pilipinas.
Giit ni Santiago, walang unlawful detention sa dalawa dahil mula pa noong araw ng Biyernes hanggang nitong Lunes ay holiday.
Ayon sa NBI may mga proseso silang ginagawa gaya ng pagsasaayos ng mga dokumento at pagsampa ng hiwalay na kaso kina Guo at Ong.
