GIAWHAG sa Philippine Drug Enforcement Agency (PDEA) ang mga LGU sa rehiyon 12 nga mahimong drug- free workplace.
Kini human giangkon ni Kath Abad, tigpamaba sa PDEA-12 nga ubay-ubay pa sa mga LGU sa rehiyon ang dili pa drug-free workplace. Asa usa sa rekisitos niini mao ang pagpahigayon sa LGU kauban ang accredited facility og drug test sa mga sakop.
Lakip na ang pagmugna og plano kung unsa ang mahimong lakang ugaling dunay magpositibo nga empleyado.
Dugang ni Abad, pipila na usab sa mga LGU ang nahimo nang drug-free workplace.
Ang pagkaangkon sa usa LGU, national government agencies ug pribadong kompanya ang usa kabahin sa nagpadayon nga kampanya batok iligal nga droga.
Ang pamahayag ni Abad ang dungan sa pagkasikop sa empleyado sa GenSan ug South Cotabato sa anti-illegal drugs operation. I Richel Gubalani
–
