Hindi sapat ang inisyung umento sa sahod! Yan ang sigaw ng mga government health workers nang sumugod sila sa tanggapan ng Department of Budget and Management ngayong araw.
Sa isinagawang rally, sinabi ni Robert Mendoza, National President ng Alliance of Health Workers, na hindi sapat sa pang araw-araw na pamumuhay ang P530 na naaprubahang sahod.
Dagdag pa ni Mendoza, bagama’t naglabas na ng P27 Billion ang DBM para sa Health Emergency Allowance ng health workers, hindi pa umano nakakatanggap ang ilang manggagawa sa ilang local government unit at pribadong ospital.
Bukod sa P33,000 na entry salary, panawagan din ng health care workers ang performance based bonus nila na dapat 2021 pa natanggap.
