Niyanig ng Magnitude 6.8 na lindol ang bahagi ng Surigao del Sur.
Ayon sa PHIVOLCS, naitala ang sentro nito sa layong 66km silangan ng Lingig, Surigao del Sur.
Mababaw ito sa 9kilometers, at tectonic ang origin.
Wala namang nilabas na tsunami warning ang PHIVOLCS.
Naramdaman ang Intensity V sa Lingig, Hinatuan, at Bislig City sa Surigao del Sur; Rosario sa Agusan del Sur; at Maco at Monkayo sa Davao de Oro.
Intensity IV naman sa Nabunturan sa Davao de Oro; at sa Davao City.
Intensity III sa Don Marcelino, Davao Occidental; Inabanga, Bohol; at Baybay City sa Leyte.
Intensity II naman ang naitala sa Mambajao, Camiguin; Sogod, sa Southern Leyte; Cotabato City; at Datu Odin Sinsuat sa Maguindanao.
Matapos ang naturang pagyanig, naramdaman din ang sunud-sunod na aftershocks na naglalaro sa magnitude 4.2 hanggang 5.5.
