Patay ru sangka construction worker samtang naga paligos kaibahan ru anang mga kabarkada sa Lambingan Beach sa Brgy. Pook, Kalibo, Aklan kahapon, Hulyo 14.
Nakilaea ru biktima nga si Manuel Recamonte Rustica, 37 anyos ag residente it Brgy. Toralba, Banga, Aklan.
Gin sampit eon it mga kaibahan ru biktima nga mag-uli apang nag-ayo nga indi anay ay maga paligos pa rason nga gin taw-an it konsiderasyon apang matapos ru pilang ka mga minutos hay nakit-an eon nanda nga may 3 katawong sakay it baroto nga gnatabang ru biktima ag daea sa bibi it dagat.
Rason nga gin adtunan it unang nagrescue nga si Jeorge Mandriguez ag anang gin hakwat ru biktima dayon gin sab-eay sa anang abaga ag gin baeabad para mabuoe ru nainom nga tubi apang napansin nga lupaypay eon ru biktima.//MARIVIC Y. ILIN
Eagi man nga umabot ru MDRRMO-Kalibo para daehon sa hospital ru biktima apang gin deklara it doctor nga dead on arrival.//MARIVIC Y. ILIN
