Paslak sa custodial facility sa Ecoland Police Station ang maghigala human kini nasikop atol sa drug buy-bust operation pasado alas kwatro sa hapon sa milabay’ng adlaw sa Brgy Matina Aplaya ning syudad.
Giila sa kapulisan ang mga dinakpan nga sila alyas Pats, 37 anyos, tricycle driver, top 4 City level drug personality ug alyas Inday, 38 anyos nga susamang nanimuyo sa nahisgutang lugar.
Positibo nga nakuha sa mga suspek ang dose ka pakete sa gidudahang shabu nga mubalor sa P200,000.00.
Gihikay na karon ang pagpasaka og kasong paglapas sa Comprehensive Dangerous Drugs Act of 2002 batok kanila.
