Sorpresang nagsagawa ng Run After Contribution Evaders (RACE) operation ang Social Security System Sorsogon Branch sa bayan ng Donsol kung saan may 7 delingkwenteng employers ang binisita at inisyuhan ng written order.
Dalawa dito ang may paglabag sa non-reporting habang lima sa non-remittance na aabot sa mahigit P300K kung saan 32 empleyado ang naapektuhan.
Sa datos ng SSS-Sorsogon, nakasaad na ‘as of’ June 18, may kabuuang 79 na employers na ang nabisita ng RACE team simula noong 2022 kung saan 9 na dito ang fully paid ng kanilang contribution para sa 113 na kanilang empleyado na umabot sa kabuuang halaga na mahigit P1.2M.
Ito na ang pang-pitong RACE ngayong taon at pang 12 simula noong Abril 2022.
