HUMAN error, kini ang nag-unang hinungdan sa insidente sa kadalanan sa GenSan, base sa datus sa PNP- Traffic Enforcement Unit (TEU).
Sa rekord sa TEU, sagad sa nahitabo ang bangga kadlawon hangtud daytime ug natala ang mga insidente road crash sa barangay road.
Sama sa nahitabong bangga sa highway sa Barangay Tambler asa lambigit ang traysikel ug trak nga gikamatay sa lima katao.
Matud ni Police Major Oliver Pauya, hepe sa TEU nag-unang hinungdan mao ang drivers error ug sunod ang nagmaneho nga hubog.
Dugang sa opisyal nakita usab nila sa mga insidente mao ang wala pag-obserba sa drayber sa saktong breaking distance ug pagpaspas nga pagmaneho.
Sa datus sa TEU gikan Enero hangtud Mayo ning tuiga, kinatibuk-ang 790 insidente sa bangga ang narekord.
Asa 14 ang patay ug 355 ang natala nga samaron sa mga bangga.
Karong bulana, naa na sa 10 ang death toll sa road crash sa GenSan.
