LEGAZPI CITY – Pormal nang pig-turn over asin isinapubliko an Important Cultural Property marker kan National Museum of the Philippines sa St. John the Baptist Church sa Camalig kasudma.
Segun kay Parish Priest Rev. Fr. Ricardo Divinagracia, pigkabit ini sa simbahan komo tanda na ini an sarong importanteng pangkultural na pagsadiri kan nasyon na kaipuhan mapangatamanan.
Nakabugtak sa marker an titulong “Mahalagang yaman pangkalinangan” na pig-display sa lanob kan mismong entrada kan simbahan.
Mientrastanto, nagkaugwa sa seremonya ki banal na misa asin an pagpirma kan parokya asin personahes nin lokal na gobyerno sa sertipiko kan opisyal na pag-turn over asin pagresibe kan marker.
