Nagtaas sang P15,400,330.90 ang income sang Teodoro Arcenas Trade Center (TATC) humalin Enero tubtob Mayo subong nga tuig.
Suno kay Heloise Mendoza, administrador sang TATC, nagtaas subong ang kita sang merkado apisar may yara sang re-development kun ikumpara sa kapareho nga period sang nagligad nga tuig nga yara lamang sa masobra P14 milyon. Dugang pa sini, nakadependi man ang ila pagpanukot sa mga vendor bangud kun dako ang sakop sang baligyaan, dako man ang balayran.
Nahibaluan, sang nagligad nga Agosto 2023, wala na sila makakolekta sa mga stalls sa bahin sang annex E kag G bangud ginpaidalom ini sang konstruksyon. | Judy Ann Juare
