LEGAZPI CITY – Nangengenot an banwaan kan Daraga sa may pinakadakol na nairehistrong kaso nin dengue sa bilog na probinsya kan Albay ngunyan na taon.
Segun ini kay Department of Health Bicol Entemologist III John Dominic B. Bolunia, kun sain puon Enero-Hunyo 1 nasa 16 an kaso kaini sa banwaan.
Sunod an Legazpi City na may 12 , 5 sa Camalig, 3 sa Sto. Domingo, 2 sa Tabaco City asin Libon, tigsararo sa Polangui, Malilipot, Manito, Oas asin Jovellar mantang wara pa man na nairehisitrong kaso sa Guinobatan, Pio Duran, Bacacay, Malinao, Ligao, Tiwi asin Rapu-rapu.
Katakod kaini, padagos an pagpagirumdom kan ahensya na gibuhon an 5S kontra dengue, na iyo an Search and Destroy, Self-Protect, Seek Early Consultation, Support Fogging, asin Sustain Hydration.
