Sinampahan na ng patung-patong na kaso ang anim na mga miyembro ng Kingdom of Jesus Christ (KOJC) na ‘di umano’y umatake sa mga kapulisan sa paghahain nila ng warrant of arrest laban kay Apollo Quiboloy.
Ayon kay Police Regional Office 11 spokesperson Maj. Catherine dela Rey – nagkaso na sila sa mga ito, kabilang na ang obstruction of justice, disobedience of lawful orders, at maging illegal possession of bladed weapon.
Matatandaang na-relieve sa puwesto ang ilang opisyal ng CIDG sa Davao, maging ang mismong Regional Director ng PRO-11 na si BGen. Aligre Martinez.
