CAMARINES SUR – Malaking hamon sa pagsipa ng turismo sa islang bayan ng Caramoan, Camarines Sur ang kakulangan ng mga establishments tulad ng restaurant, hotel at iba pa.
Ayon kay Tess Delfin, ang Vice President for Publice Relations ng Camarines Sur Chamber of Commerce and Industry, Inc. (CSCCI) at Chairman ng 3rd Bicol Tourism Conference ngayong taon, bagaman mayroon ng mga hotel at restaurant sa tinaguriang “Emerging Paradise of the Pacific” kulang pa aniya ito at hindi pa sapat para sa mga turistang bumibisita.
Kaugnay nito, nanawagan ang opisyal sa mga local government na gumawa ng paraan upang suportahan ang mga local Micro-, Small and Medium-sized Enterprises (MSMEs) maging ang pagpapaunlad ng isla. Bukas rin aniya ang CSCCI sa pakikipagtulungan sa mga ito.
