Patay ang isang lalaki matapos sumalpok ang minamaneho nitong motor sa kongkretong tulay at mahulog sa creek sa Barangay Agos-agos, Infanta, Quezon nitong Huwebes, Hunyo 6.
Ayon sa report, nawalan umano ng kontrol ang drayber sa minamaneho nitong motor at nag-overshoot ito sa tulay na naging dahilan ng aksidente.
Pinaniniwalaang nasa ilalim ng impluwensya ng alak ang nasawi.
Samantala, dinala naman sa punerarya ang mga labi ng nasabing drayber.
