Naharang ng mga tauhan ng Bureau of Immigration sa mga paliparan ang tangkang pagpasok sa bansa ng apat na American at isang British National dahil sa pagiging sex offenders ng mga ito.
Ayon kay Immigration Commissioner Norman Tansingco, ang apat sa mga pedophile ay naharang sa Ninoy Aquino International Airport (NAIA) habang ang isa naman ay naharang sa Mactan-Cebu International Airport (MCIA).
Paliwanag ni Tansingco, ang ang limang foreign nationals ay pawang mga registered sex offenders dahil sa mga record ng conviction ng mga ito sa kani-kanilang mga bansa
Kabilang na sa immigration black list ang nasabing mga foreign national dahil sa banta ng mga ito sa kababaihan at kabataang filipino.
