Muling ipinag-utos ng Angeles City government ang striktong pagpapatupad ng ‘No face mask, no-entry’ sa city hall at mga local government building at offices nito.
Ito ay bilang pagtugon sa banta ng COVID-19.
Sa isang memorandum, sinabi ni Mayor Carmelo Lazatin Jr. na ang ginawa nilang hakbang ay alinsunod sa rekomendasyon ng City Health Office matapos iulat ng Department of Health ang pagtaas ng bilang ng mga tinatamaan ng sakit sa bansa.
Kasabay nito, hinikayat rin ni Lazarin ang mga residente na ugaliin ang pagsusuot ng face masks sa mga pampublikong lugar at transportasyon.
#
