Inanunsyo ng Department of Justice na malapit ng matapos ang reklamong isasampa laban sa China kaugnay sa pinsalang ginawa nito sa West Philippine Sea.
Ayon kay Justice spokesperson assistant Secretary Mico Clavano, ilang linggo na lamang ay matatapos na ang ginagawa nilang evidence gathering.
Patuloy aniyang nakikipag-ugnayan ang DOJ sa Office of the Solicitor General upang masiguro na matibay ang isasampang environmental complaint laban sa China.
Mababatid na matagal ng pinag-aaralan ng pamahalaan na magsampa ng kaso laban sa China dahil sa mga pang-aabusong ginagawa umano nito sa loob ng Exclusive Economic Zone ng Pilipinas.
