Owa naging abang sa sangka lolo ro anang edad para maabot ro anang handum nga makatapos sa pagtuon.
Maabu ro nagdayaw kay Lolo Nicolas “Rudy o Jao” Sucgang matapos imaw nga mag graduate sa Senior High School o SHS Program Under TVL Track – Agri Fishery Arts Strand with specialization in Aquaculture, sa Napti Integrated School sa banwa it Batan, Aklan.
Si lolo Jao hay dating kagawad ag sambilog sa anang tinutuyo haman it gusto nana nga makatapos sa secondary education hay para makaintra imaw sa legislative function bukon eang sa bahin it barangay level kundi maging sa municipal level. // ANN DESLENE SALAZAR
