Padayun pa ro ginahimo nga imbestigasyun it Numancia Fire Station angot sa natabo nga mabahoe nga sunog kahapon it agahun sa Punta Tulay Brgy. Bulwang, Numancia, Aklan nga ginaboebanta nga may kapin sa 43 milyunes pesos ro naging kahalitan.
Sa interview it Brigada News FM Kalibo kay FO2 Adrianne Villas it BFP-Numancia, may pila eon sanda ka mga nabuoe nga ebidensya sa gin-euntaran it sunog ag igapadaea pa nanda raya sa andang national headquarters para makumpirma kung ano ro ginhalinan it kaeayo, ag mga sang buean pa segun bago maguwa kara ro anang resulta.
Sambilog sa ap-at ka establisyemento ro totally burned partikular ro sangka surplus shop.
Matandaan nga nag abot sa ika-ap-at nga alarma ro sunog suno kay FO2 Villas ag maswerte nga owa it casualties sa nasambit nga insidente. // ANN DESLENE SALAZAR
