LEGAZPI CITY – Patuloy pang iniimbestigahan ng Bureau of Fire Protection (BFP) ang nangyaring sunog sa ilang bahagi ng Southern Luzon Technological Colleges Foundation, Inc. (SLTCFI) sa Brgy. Peñaranda, lungsod ng Legazpi.
Sa nakalap na impormasyon ng Brigada News FM Legazpi, agad na rumesponde ang mga tauhan ng BFP matapos na i-report ng isang concerned citizen ang insidente.
Naabutan na lamang nila na may nasusunog na at naging mabilis naman ang kanilang pagresponde.
Sa ngayon, patuloy pang inaalam ng mga otoridad ang pinagmulan at halaga ng pinsala ng sunog.
