Patay ang usa ka driver homan gipusil sa wala mailhing suspetsado pasado alas 4 kaganinang kadlawon sa Brgy. Pantao Calatrava Negros Occidental.
Naila ang biktima nga si William Arobo, 38 anyos , ulitawo ug residente Brgy. Tigbao sakop sa lungsod sa Calatrava samtang ang suspetsado wala mailhi.
Sa pakighinabi sa Brigada News Team kang Pcpt. Jess Alba Deputy Chef of Police sa Calatrava Municipal Police Station nasayran matud pa mirespondi kining biktima ngadto sa iyang pag-umangkon tungod duna kini nakalalis ug didto gipusil sa wala mailhing suspek ang biktima homan sa panghitabo misibat ang suspek sa wala matinong direksyon.
Nakaangkon ug mga samad pinusilan sa iyang tuo nga bahin sa iyang ulo ug dughan ang biktima nga maoy hinungdan sa iyang hinanaling kamatayon.
Gidala pa kini sa balay tambalanan ang biktima apan gideklarang dead on arrival sa attending physician.
Sa karon padayon pa ang gihimong imbestigasyon sa kapolisan kalabot sa pagpusil patay kang Arobo.
