Matapos ang matagumpay na Balikatan exercise ngayong taon, pinaigting ng Department of National Defense ang kanilang hangarin para sa mas maraming multilateral at maritime cooperative activities kasama ang mga kaalyadong bansa.
Ayon kay Defense Sec. Gilberto Teodoro Jr., mahalaga ang naging pagsasama-sama ng mga bansa tulad ng Estados Unidos, Australia, at France sa mga pagsasanay upang mapalakas ang kooperasyon at kaligtasan sa rehiyon.
Sinabi rin ng kalihim na hindi maaapektuhan ng anumang masamang hangarin ang kanilang layunin para sa isang malaya at bukas na Indo-Pacific Region.
Binigyan-diin din niya na ang dangal, teritorial integrity at dignity ay ‘non-negotiables’ para sa bawat Pilipino.
