Gitapos sa usa ka ulitawo ang kinabuhi sa iyang amahan gumikan lamang sa pahimangno kaniya sa Prk 6, Sitio Datalpitak, Brgy. Colonsabac, Matanao, Davao del Sur kagabii.
Sa report sa Matanao Municipal Police Station giila ang biktima nga si Dalyanan Lingi, 37-anyos usa ka buta samtang ang anak niini nga maoy suspek si Clifford Lingi, 19-anyos.
Nasayran sa imbestigasyon nga mipauling hubog ang anak rason nga gimaymayan ug gipahimangnuan sa iyang amahan apan gikaulit matud pa sa suspek ang nasangpit nga tambag kaniya.
Kalit kining giibot sa iyang gitakin nga hinagiban ang anak og didto gidunggab ang amahan nga miresulta sa iyang kamatayon.
Aminado si Clifford nga sangko matud pa sa langit ang iyang pagbasol sa iyang nabuhat nga krimen apan dili na niini mabalik pa ang kinabuhi sa iyang amahan.
Kasong Parricide ang atubangon ni Clifford kinsa tanggong karon sa mabugnaw nga prisohan. BNFM-Davao
