Nagbisista sa probinsya sang Capiz sang nakaligad nga adlaw, Abril 18 ang Ambassador of the European Union to the Philippines nga si Luc Veron.
Mainit ini nga gin-abi abi sang mga opisyales sang Probinsya kag siyudad sa pagpanguna ni Governor Fredenil Castro.
Katuyuan sang amo nga pagbisita sang ambassador agud lantawon ang posibilidad nga matanyag sa European Inventors ang katahum kag potensyal sang Probinsya bilang isa ka prime location sa patag sang negosyo.
Kalakip sa mga ginbisita sini kaupod si Kalibo, Aklan Mayor Juris Sucro ang Palina EcoPark, Panublion Museum, Capiz State University (CapSU) Main Campus, kag ang isa sa mga ginpabugal nga event sang Capiztahan 2024, ang Lutong Capisnon nga ginhiwat sa SM City Roxas.
