Iniimbestigahan din ng pulisya ang inabandonang yate sa Nasugbu, Batangas at ilang mga bahay sa paligid kung may kaugnayan ba ito sa nakumpiskang droga sa Alitagtag, Batangas.
Ayon kay PNP chief Gen. Rommel Marbil, nakadaong sa Nasugbu, Batangas ang nasabing yate pero hindi pa nito pinalawig ang impormasyon dahil gumugulong pa ang imbestigasyon.
Sa ngayon, nakakulong na sa Batangas Provincial Police Office ang suspek na nasampahan na ng reklamo.
Una nang nilinaw ng PDEA na P9.6B ang kabuoang halaga ng narekober na ilegal na droga matapos ang kanilang imbentaryo, taliwas sa unang estimate na P13.3B.
