LEGAZPI CITY – Lugadan an poko mas omenos 15 mga menor de edad na estudyante makalihis na bumagsak an hanging bridge sa Brgy. Cawit, Manito, Albay.
Sa report kan PNP, sarong concerned citizen an uminapod sa Manito Municipal Police Station asin ini-report an insidente na tulos man dinuman kan mga personahe nganing i-verify.
Naabutan sa lugar an mga estudyante na nahulog na tulos man tinarabangan kan mga residente asin dinara sa ospital para sa medical na atensyon.
Padagos man an pigsasagibong hararom na imbestigasyon kan mga otoridad sa nagin kawsa kan pagkagaba asin pagbagsak kan tulay sa lugar.
