LEGAZPI CITY – Pig-enganyar kan Albay Provincial Veterinary Office an gabos na mga animal farm owners sa probinsya na magpautob nin biosecurity nganing maprotehiran an saindang mga atamang orig kontra African Swine Fever (ASF).
Segun kay Provincial Veterinarian Dr. Pancho Mella, maski kontrolado na an pinakaenot na nairehistrong kaso nin ASF sa probinsya, kaipohan man gilayon an mahigot na pag-iingat para sa mga may ataman na mga hayop orog na an mga hog raisers.
Dugang pa ni Mella, nasa anom na border controls an pigpautob ninda sa bilog na probinsya kun sain duwa digdi an sa Polangui, mantang tigsararo sa Libon, Tiwi, Pioduran asin Jovellar.
