LEGAZPI CITY – Arestado sa Brgy. Tagas, banwaan kan Daraga, Albay an pigkokonsiderar na Municipal Most Wanted Person kan Lisay, Bataan.
Binisto an akusado na si alyas “Warde”, 37 anyos, warang agom asin residente kan 192 Sto. Cristo, Brgy. San Roque, Daraga.
Inarestar an akusado sa kan pinagsarong esfuerso kan Daraga MPS asin Lisay MPS kan Bataan PPO sa kusog kan mandahamiento de aresto para sa duwang punto nin kasong Lascivious Conduct sa irarom kan RA 7610 Section B.
Maabot man sa dosyentos mil de pesos an piyansang inirekomendar kan korte para sa saiyang temporementeng libertad.
