Pinatitigil na ni Senate Deputy Minority Leader Senadora Risa Hontiveros si dating pangulong Duterte sa pagsasabi na mas maayos ang West Philippine Sea (WPS) noong termino niya.
Ayon kay Hontiveros, kung babalikan ang naging termino ni Duterte ay malinaw na makikitang dito nagsimulang magmukhang ‘Chinese puppet’ ang Pilipinas sa international community.
Dagdag pa niya, sa panahon din na ito nangyari ang harassment ng Chinese Navy vessels sa mga mamamahayag.
Kaugnay nito, nanawagan siya kay Duterte na tigilan na ang pagtatanggol sa di umano’y ‘best friend’ nitong China dahil malinaw na wala namang napala ang bansa rito.
