LEGAZPI CITY – Aminado an Anti-Red Tape Authority (ARTA) na bako gabos na lokal na gobyerno an nakakasunod sa pag-implementar nin Electronic Business One-Stop Shop (EBOSS) sa mga munisipyo asin syudad sa nasyon.
Segun kay Secretary Ernesto Perez, nadidipisilan man an mga nagkapirang lokal na gobyerno na mag-implementar nin EBOSS nin huli sa kaluyahan o problema sa signal sa lugar, proseso nin dokumento sa Bureau of Fire Protection asin sa barangay.
Kinakaipohan sana tawan nin solusyon an problema sa lokal na gobyerno tanganing maipautob nin tama an programa partikularmente sa pagkua nin business permits.
