Nagpadueong kaina it kaaganhun sa Kalibo MPS, nga owa it suksok nga tsinelas ro sangka babaye para ireklamo ro anang live-in partner it pagpanakit ag ginhaboy pa segun imaw it termos sa Calachuchi Road Brgy. Andagaw, Kalibo, Aklan.
Sa reklamo it 20yo nga babaye, nag away sanda it anang 23yo nga live-in partner bangud suno sa babaye, may mga ebidensya imaw nga may iba ro eaeaki nga naga trabaho bilang tour guide sa Boracay.
Bangud sa pagselos it complainant hay nauli raya sa pag inaway ag sinakit segun imaw it eaeaki ag hinaboy pa it termos ngani insigida imaw nga nag agto sa Kalibo MPS daea ro andang 2 dag on nga unga agud ireklamo ro eaeaki.
Insigida man nga rumesponde ro mga pulis ag gindakop ro eaeaki nga kulong makarun sa Kalibo MPS. // ANN DESLENE SALAZAR
