Kasong robbery with homicide ro posibleng paga atubangon ni Emilito Alapag, ro suspek nga nagpatay sa dating OFW nga si Analyn Rembulat sa Brgy. Pusiw, Numancia, Aklan.
Raya ro ginhayag ni Police Captain Maricel Guevarra, Chief of Police it Numancia MPS sa ginpatigayun nga press conference kahapon it agahun.
Sa makarun hay owa pa segun sanda it buyot nga ibang ebidensya sa kremin, bukod eon lang sa pag ako it suspek nga imaw ro pumatay sa biktima.
Padayun man segun ro pagproseso it mga dokumento it Numancia MPS, para madayun ro pag file it kaso kontra sa suspek.
Nasayuran nga base sa naguwa nga resulta it autopsy sa bangkay it biktima, owa’t eabot sa mga penetrating wounds nga naangkon kara, hay nakitaan man it punctured wounds ro biktima.
Sa makarun hay indi pa mahambae ni PCapt. Guevarra, kung sangka tawo eang ro imbolbado sa kremin bangud padayun gihapon ro pag usoy it dugang nga ebidensya. // ANN DESLENE SALAZAR
