Ikinasa na ng ilang mga grupo “Black Friday protest,” dalawang araw bago ang ika-38 anibersaryo ng EDSA People Power Revolution.
Sa panayam ng 105.1 Brigada News FM Manila kay Bagong Alyansang Makabayan Secretary General Mong Palatino, sinabi nitong tinawag nilang “Black Friday” ang protesta dahil nais nilang ipabatid ang kanilang pagtutol sa Charter change.
Aniya, magandang timing ang panahon na ito para ipanawagan ang kanilang apela.
Kaninag umaga nagkaroon na umano ng pagkilos ang ilang grupo gaya ng mga kababaihan, mga guro, mga magsasaka, at mga estudyante.
Paliwanag ni Palatino, isinisigaw ng iba’t ibang grupo na nagtipon ang kanilang panawagan sa mga lider at mambabatas na unahin ang tunay na problema sa Pilipinas.
