KALIBO, AKLAN—Mas maabong bakuna do ginaeauman nga magaabot sa Western Visayas makarung buean it Hulyo.
Raya do ginbalita ni Department of Interior and Local Government (DILG) Undersecretary Epimaco Densing lll sa anang pagbisita sa Iloilo City ku nagtaliwan nga domingo.
Suno kay Densing, do COVID-19 cases sa National Capital Region (NCR) ag kaiping nga mga probinsya hay amat-amat eon nga nagnaba ngani nga nagmando si Pangoeong Rodrigo Duterte nga oras eon sigon nga magre-allocate it maabong bisita sa mga probinsya particular sa Region 6, 10, 11 ag 12.
Nasayuran nga 11 million doses it bakuna do ginaeauman nga magaabot sa Pilipinas makarung buean it Hulyo kung siin do pinakamabahoe nga hueay kara hay igapanupod sa nasambit nga mga rehiyon. // SHERRY ANNE REUNIR-VIDAL
