MALAY, AKLAN—Nag-abot eon sa isla it Boracay do 3,000 doses it Sinovac vaccine halin sa Department of Tourism (DOT).
Do nasambit nga mga bakuna hay pormal nga ginbaton it LGU kun sa siin raya hay gintaeana para sa mga tourism workers ag mga frontliners sa isla.
Angot kara, ginpasaeamatan ni Malay acting Mayor Frolibar Bautista sanday DOT Sec. Bernadette Puyat, DOH Sec. Francisco Duque III, Sec. Carlito Galvez Jr. ag Sec. Vince Dizon sa pagsabat sa apela it LGU ag mga stakeholders nga mabakunahan do mga workers ag frontlines sa isla agud magbalik do kumpiyansa it mga turistang magbakasyon sa Boracay.
Nasayuran nga amat-amat eon nga nagainabo do mga nagasueod nga mga turista sa sikat nga isla kung siin ku June 1-30, 2021 hay nakapaglista it 26,354 tourist arrival. // SHERRY ANNE REUNIR-VIDAL
