LAING panimalay ang gilungkab sa Purok Libertad, Barangay Maribulan Alabel, Sarangani Province, pitaka, cellphone ug kwarta nga pang allowance sa kabataan ang nakuha.
Sumala kay Amelita Timon nga wala gayud nakabantay ang ilang silingan samtang natulog nga gisulod na sa kawatan ang ilang balay.
Samtang ang unang nakawatan napugos sa pagpangutang aron ipaayo ang ilang bintana ug gitakpan ang mga buslot sa ilang balay.
Sumala kay Nenita Pacquiao nga aduna silay gidudahan apan wala silay matumbok nga responsabli sa pagkawat sa ilang duha ka cellphone, kwarta ug alahas.
Sa bahin ni Purok Chairman Roy Revamonte, na perwisyo na sila sa nagapanaka og balay kay halos wala na daw silay tulog unya aduna gihapon ma biktima, nagduda sila nga mga kabataan ang nagahimo sa pagpangawat. I Ver Diazon
