Nilinaw ni Department of Trade and Industry (DTI) Assistant Secretary Amanda Nograles na walang sinasabi sa batas na kailangan pang kumuha ng video ng isang buyer bago i-refund ng seller ang kanyang biniling item online.
Sa panayam ng Brigada NewsFM kay Nograles, sinabi nitong kapag ang isang bagay na binili ay depektibo – maaari itong ipa-repair, o kaya naman ay papalitan o ipa-refund sa seller.
Paliwanag pa nito, para maka-request ng refund o replacement sa shop na binilhan ng item – hindi na kailangan pa ng ebidensya na video habang nag-a-unbox ng biniling produkto.
Sa huli, iginiit ni Nograles, wala nang ebidensya pang kailangan gawin ang mga buyer dahil tanging ang produktong may damage ang magsisilbing patunay.
