LEGAZPI CITY – Naglalaom asin nagtutubod an lokal na gobyerno kan Sto. Domingo na dapat igwa nin solusyon an gobyerno-nasyonal para sa mga maaapektaran kan jeepney modernization.
Segun ini kay Mayor Jun Aguas, kun sain sinabi kaini na padagos paman giraray an pakikipag-olay ninda sa mga stakeholders mapadapit sa isyung ini.
Sinabi kan alkalde, dai pa prayoridad kan saiyang opisina an modernisasyon kan mga transportasyon sa banwaan huli ta dakula ining shift asin adjustment.
Dakul pa kaya na mga bagay an dapat na ikonsiderar asin adalan segun sa alkalde.
Nasa haros 50 su boot an mga nagbabyaheng jeepney sa banwaan, asin nagpaabot naman nin concerns an mga operators magin drivers na dapat dangugon kan gobyerno-nasyonal.
