LEGAZPI CITY – Sarong harong an nasulo sa Brgy. San Juan, syudad nin Tabaco kan nakalihis na Pebrero 10.
Segun kay Fire Officer 3 Edison Gonzales, Chief of Investigation kan Bureau of Fire Protection (BFP) Tabaco City, nakaresibe sinda nin apod hale sa sarong concerned citizen manungod sa kasulo sa nasambit na barangay.
Tulos man nakapagresponder an BFP sa lugar tanganing apulahon an nasusulo na harong.
Maswerte man huli ta wara nin harong na nadamay asin warang nalugadan sa insidente makalihis an kabangang oras na pagreresponde.
Mientrastanto, nagluluwas sa imbestigasyon kan BFP, nabayaan na nakasindi an gasera mantang igwang pigluluto an tagsadiri kan harong.
Pagirumdom kan BFP, palsukon muna an mga gasera o anuman na posibleng pagpunan nin kasulo antes magluto nganing maibetaran an siring na insidente.
