Mitaas sumala pa ang kumpyansa sa mga Dabawenyo kalabut sa nagpadayong vaccination drive sa lokal nga panggamhanan ning syudad kini gisugdan sa milabayng bulan sa Marso karung tuiga.
Sigon kang City Health Office (CHO) acting head Dr. Ashley Lopez, kamatikdan ang pagsaka sa ihap sa mga nabakunahan hinungdan nga maka-cater ang syudad og 10,000 vaccinees matag adlaw.
Ang maong ihap mao ang average sa mga residente gikan sa nagkadaiyang sektor apan magdepende matud pa kini sa suplay sa bakuna busa mahinungdanon nga bastante ang ginahatag gikan sa national government.
Salig ang opisyal nga kumpletuhon sa mga nakadawat na sa first dose gikan sa A1 Category Priority Group hangtud A5
Samtang una ng gibutyag sa Davao City Vaccination Cluster nga kapin na sa 238,000 doses ang nabakuna sa mga indibidwal nga ilalom sa A1 Category Priority Group hangtud A5 nga gilangkuban sa priority categories sa health workers, senior citizens, persons with comorbidities, ug economic workers.
Sa karon mayorya sa mga nagpabakuna ang nakasinate lamang ug mild nga adverse effect.
