Nagpasa ug ordinansa ang City Council nga nagmando sa tanang establisimento sa syudad sa Davao nga ipatuman ang implimentasyon sa Safe Davao QR Code aron mapalapdan pa ang contact tracing.
Dunay tugbang nga silot nga ipahamtang batok sa mga establlismento nga mapakyas sa pagpatuman sa maong sistema.
Ubos niini nga ordinansa, ang mandatory scanning sa DQR istriktong ipatuman sa tanang opisina ug mga establisimento.
Walay labot sa maong sistema ang mga establismento nga nahimutang gawas sa enclosed spaces sama sa stalls, ambulant vendors, lechon manok stand, sari-sari store, bakery, market stall ug uban pang abre nga mga lugar.
Ingkaso ang usa ka establisismento dunay daghang tindahan o opisina sa sulod sama sa malls, hospitals ug commercial complexes, ang individual stores ug offices na maoy mag scan sa DQR.
