Positibo si City Health Officer ug City Covid 19 Task Force Focal Person Dr. Ashley Lopez nga nakab-ot sa dakbayan sa Davao ang ang herd immunity sa katapusan sa 2021.
Sigon sa opisyal, kung magpadayon ang maayong suplay sa mga bakuna kampante sila nga maabot ang 70% o anaa sa 1.2milyon gikan sa kinatibuk-ang populasyon nga makabunahan.
Sa karon maayo matud pa ang dagan sa vaccination drive tungod sa hapsay nga sistema, paspas ang pag-abot sa mag suplay ug taas angf partisipasyon sa mga residente sa vaccination drive.
Sa laing bahin, wala pay natalang severe adverse effects ang syudad bisan pa man nga dunay pipila ka insedente ang padayong giimbitigahan.
Kahibaluang sa pinakaulahing update gikan sa City Health Office, as of June 29 moabot na sa 203, 256 ka Dabawenyo na ang nakadawat sa 1st dose samtang kapin 43, 482 ang nakakumpleto na sa ikaduhang dose.
