Sugatan ang isang 20-anyos na lalaki matapos itong barilin ng sumpak sa Barangay Bignay 2, Sariaya, Quezon nitong Martes, Enero 23.
Sa isinagawang imbestigasyon ng mga awtoridad, nakasakay noon sa motorsiklo ang biktima nang parahin ito ng kanyang pinsan saka ito walang anu-anong binaril gamit ang isang sumpak o improvised shotgun.
Samantala, isinugod naman sa hospital ang biktima para malapatan ng lunas habang tumakas naman ang suspek.
Personal na galit ang tinitingnang motibo ng mga awtoridad sa nasabing pamamaril.
Samantala, patuloy pa rin ang isinasagawang imbestigasyon hinggil sa insidente.
